Ex Ontologia

*10. Substantiae conceptus realis quidem obiective est: incompletae substantiae conceptus non repugnat.

11. Realia in creatis dantur accidentia, realiter a substantia distincta. Nec repugnantia in eo quod a proprio separatum subiecto, per infinitam Dei potentiam, accidens exsistat, ex communi accidentium ratione, ostendi umquam poterit.

12. Conceptus causae vere efficientis et non solum merae phaenomenorum succesionis exsistit; qui profecto obiective realis est.

13. Causalitatis principium analyticum certissimumque est.

14. Finis vere et proprie dicta causa est.